Herenga ranagtira.
He uaua ka kite i tetehi tangata e wairua tahitia ana i ngā wāriu o te kiritaki. He ara tātaramoa te wairua pono ko te rite ki te whakatu i tētehi tīma nui te mana.
Katoa ā mātou mātanga tohutohu he mema nō te New Zealand Institute of Primary Industry Management (NZIPIM). Kia whakawhirinakitia tētethi ki tēnei rōpū me whai mātauranga tana kete, kua toru tau e mahi tahi ana hai Mātanga Ahuwhenua, waihoki kua oti i a ia tētehi kowae tikanga matatika. Me tautoko hoki ngā tono e tētehi rangatira me te mea hoki ka whakaaetia e te poari NZIPIM.
Kua ekengia te karamata o tēnei māunga whakahirahira hoki e ngā poutohu o tō mātou kāhui hai mema rēhita anō te whakamihi nui ki a Lee Matheson rātou ko Duncan Walker, ko Trudy Laan, ko John Perrin. Ko te take i ekengia ai e rātou ki tēnei paepae rangatira kua kitea e ngā mātanga kua puta te rae o ēnei tokowha i ngā kowae huhua waihoki ko te otinga hoki o ā rātou mahi, kei te poho kē o Te Mangoroa. Ko ngā mahi aromatawai he whakakitea i etahi o ā rātou mahi hai kitenga, hai aromatatanga mā ngā hoa mahi, ka rua, he tuku i ngā ingoa o ō rātou rangatira hāpai, ā, ka whakaaetia rātou e te paepae uiui. Nā te mea he Mema Rehita rātou ko te tikanga kia kāua rātou e māngere e kiriora rānei, heoi anō me whakaoti i a rātou etehi wero-ā-mahi ia wāhanga o te tau, kia toiora tonutia te rae.
Hoa poupakihi
Te Rangatira Whakahaere
Lee Matheson
Nā te noho tāone i Pōneke i tae mai ai a Lee ki tana mahi rangatira nei. Kua whakawhiwhia i a ia ki tana tohu paetahi huamata pūtaiao, ā, he niho roa ki te ao mākete whakatārewa. Na tana tūranga mahi nei hei Rangatira Whakahaere ka poto kau tana whakaputanga ki ngā pāmu - anō nei kua whakawhitia e ia ngā kamuputu pāmu mo ngā hū pōari engari ko tana ngākau kai te whāma kau. He kaha kē a Lee ki te arahi, ki te tohutohu me te whakatakoto rautaki ā hāpori, ā kawanatanga ko te tātari whakangao me te rangahau ohaoha hoki wāna
Atu i tana mahi i Perrin Ag, he tangata wawao whutupōro me te mātakitaki i āna tamariki e takaro kau ana, he ringa huhuti tarutaru me tana hoa mākau, a Haidee, ā, me te hau noa ki āna whiunga rangatira a tau pēnei me te pupuhi manu. Ko tāna he kohi wāina me te pārei takitahi engari ko tana moemoeā kokohu hai puoro tautito whakatangi pīana.
" Kāre he mahi i tua atu i te whakarangatira tangata i ngā koko o ta tatou whare, ā, me te harakoa ka puta mai i ngā apataki ka ekea ngā taumata teitei. Me i ka tāea e tatou ki te aki i ngā poupāmu ki te mihimihi ki ngā tangata, ki te whakapau kaha i te taura whāngai me te titiro ki tā ratouna pākihi a karu whānui nei - mā reira pea e kāhika tūwao te paepae tāwhiti o te ao ahuwhenua.
- +64 29 395 5312
- [email protected]
Tumuwhakarae
Duncan Walker
Whai rawa i tana whakapōtaetanga i Te Kunenga ki Pūrehuroa i te tau 2007 me tana tohu paetahi Pūtaiao ahuwhenua -pākihi ahuwhenua. I tangata mai i te ao hipi, kau me te mahi tia, ko tana whakawhitinga ki te ao mahi kau he mea nāna tonu i para i tana whakawhitinga i te whāma kau maroke ki te whama kau hurihanga. He pou arahi manaaki i te hurihanga a Duncan i taua wā, ā, ka noho tonu mo te toru anō tau. He ahakoa ko tana tāhūhū kai te ao whama kau he kaha nōna ki te torotoro ki ngā apataki kia piki ake ā ratou mātauranga mōhiohiotanga a pāmu ki tō rātou na pākihi ahuwhenua.
Anā kē taku harakoa ko te arahi tika i ngā apataki i ngā ngaru teitei a huamoni, whakahaeretanga me ngā wero whakatika ngātahi me te whakatupu i ngā kamupene a ngā apataki mā te titiro me te tātari i ngā whakaaro hou me ngā huarahi kānapanapa".
- +64 27 340 3984
- [email protected]
Tumuwhakarae
Trudy Laan
Puta mai a Trudy i te Te Kunenga ki Pūrehuroa me tana tāhū paetahi i te kaupapa Pūtaiao a Ahuwhenua. Mai i tēnā wā ko tāna he mahi pāmū ā he pouako matua hoki ia i te mahi ahuwhenua. He mātanga whakawā hoki mo te NZQA pākihi pāmū. No te Mei o te tau 2002 ka whakapiri mai ki a Perrin Ag. He mātanga hāpai a Trudy i ngā wāhanga huhua o te ao pāmū engari ko tana tūnga matapopore ko te mātai a rangatōpū, mahi whenua huringa me te kimi tangata.
He pakari te kete awhina a Trudy, ā mahi whenua, pūnaha pouwhakahaere hoki mātua ko tana ngākau nui ngākai pono ki te whakarewanga whakaputanga mahi e rarata ai ana apataki.
"Ko taku rapunga whakaaro me ko te nuinga o to oranga e mahi ana pai kē atu ki a whakapiri atu koe ki tetehi mahi e kaingakau nuitia ana koe me te mea hoki he ahakoa te utu te kore utu rānei. Tā te mea i pakeketia ahau ki runga pāmu miraka kau i tini uru ai mātou ki ngā mea katoa, ka nui taku aroha ki ngā kau Pai hoki ki ahau te tono awhina mai a etehi kaipāmu ki a awhinatia ratou ko enei momo herenga ka mau roa ā nā wai ka hua mai hei kai mahi, hei tangata mana whenua hai kaiwhakahaere pāmu "
- +64 29 295 5312
- [email protected]
Pou tūranga
Leighton Parker
He tau tahito a Leighton i te ao LOSM he 940 te rahinga kau i te pāmū matua i Waitaha, ā, he mātanga hāpai hoki a ia mo tetehi kamupene nui te whakaharahara i Aotearoa nei. Ite tau 2016 ka neke a Leighton me tana mākau a Hayley me a rāua tamariki e rua ki Kemureti ki te tīma ko Perrin Ag. Na tana noho i LOSM me tana mahi mātanga hāpai kua pūkenga a Leighton ki ngā pāmū matatoru ā rautaki ā ringaringa hoki. E kaingakau nuitia ana a Leighton ki te tūāpapatanga pātiti, pūnaha nama ririki me te mātawhāiti ki te whakarewanga pūtea ā pāmū i raro i ngā tikanga tiaki taiao.
Kai te piki haere te kete apataki a Leighton i ngā pāmū i te rohe o Waitaha, ā tae rawa atu ki Matamata. Kua mārō te ara awhina a Leighton i ana apataki e pakari ai a ratou pūtea me te mana kaha oranga roatanga a pāmū. He amokura rangahau ināianei e kimi huarahi ana e pehea e tuitui ngā mahi whakatupu rākau ki te ao pāmū.
"No taku ohinga tēnei aroha tuturu ki tenei ao mahi o Aotearoa me te whakatāngaengae ki te whenua. Na te mātanga hāpai i ahei ahau ki te whai ki te kawe i tenei aroha tuturu ā me te hono atu ki ngā apataki e rewa ai a ratou pākihi, me te whakawhiwhi i a ratou moemoeā me te takahi i te ara hou a pāmū nei".
- +64 21 243 9394
- [email protected]
Te Tiamana
John Perrin
He tōhunga rēhita tūturu pou whakahaere mātanga hāpai a John nuku atu i te 35 o ngā tau. He mōhiohio hoki ki te rūritanga whenua nā i whakatepena atu ia i tana putanga mai i te Whare Wānanga o Rīkona. Nā kōnā te aronga ki te whakamātotoru whenua, ki te tiaki pāmū me te whakatū pāmū hei whenua kotikoti hei nohanga i raro i te whakaaro māpere e ora ana i tāua taima.
I roto i te 25 nuku atu o ngā tau i tana mahuetanga i te rūritanga kua eke noa atu te rangatiratanga o John i te mātaitanga ā pāmū pakari, whakahaere me te mātanga hāpai mo ngā rangatira Māori me te hunga kāre e kitea. Nō te puku o te rau tau 1990, koia tetehi e kaha whakapau wera ana ki te waihanga me te whakahaere i ngā kaupapa huringa pāmū ki Aotearoa nei me Āmerika. Kātahi nei ko tāna he atawhai i te whakatūnga whakapakari hipi i te teihana o Waikino.
Heoi anō ko tāna ināianei he aro ki tana tūnga Tiamana o Perrin Ag Consultants Ltd.
." Nā taku hononga ki te ao ahuwhenua i te puku o te whanga 1970 ka kaha kē taku aronga ki te hāpai i ngā tangata pāmū me ō rātou rangatira ki te whakaputa matomato te hua ngako o o ratou whenua. I ēnei rā he ao pākihi te ao pāmū me noho ngātahi i te pae o te kawanatanga me māori noa te ao e mana ai te wairua o ia apataki e rere ai ōna wawata ōna moemoeā- kai reira kē te oranga o taku ngākau".
- +64 21 955 312
- [email protected]
